Гарадзенскія майстры

Гарадзенскія майстры –

Продкі і сучаснікі,

Вашы творчыя дары –

Хараства запаснікі.

Уздыму пачуццяў бал

(З веліччу супольныя)

Ў час калі кранаю даль

Позіркам раздольным я.

Над Каложай даўніна

Ўзносіцца духоўная,

А над Фарным – чысціня

Музыкай бязмоўнаю.

Ад прытульнай цеплаты

Дворыкаў і вулачак

Вее щырасць цеплаты

Ціха, неяк чула так...

Гарадзенскія майстры –

Носьбіты цудоўнага,

Дзеці века – не пары,

Талента працоўныя.

Што для вас ўся мітусня

Рэчыва-імгненная?:

Ўсё – абман, і ўсё – хлусня,

Дзе няма натхненнага.

Вам удзячны маладосць

І сівое золата

За ўсю гэту прыгажосць –

За адметнасць горада.