МАЛЕНЬКАЕ ШЧАСЦЕ

Маленькае шчасце-дзівосная мара,

павевам за сэрца кране:

душа адчувае, як Бог абдымае,

і як ад сябе адштурхне.

Жаданае шчасце – не кепская мара,

ды нешта таролаг маўчыць,

бо карта «каханне» над картай «жаданне»

пад картаю «гора» ляжыць.

Душа ж мая толькі кранулася неба

і крылы спрабуе на ўзмах!

Ды дзіўна, што гэта – агульная мэта

і кожны ў вачах сваіх птах.

Не кожны прыгожы, не кожны здаровы –

не пораўну Бог нам дае,

а вось быць каханым, заўжды паважаным,

ўсім трэба, хто як ні жыве.

Маленькае шчасце-дзівосная мара,

о, як жа патрэбна мана:

калі ты згубіўся, у цемры спыніўся,

надзею падсвеціць яна.

10.11